دوکتور عبدالله عبدالله، رییس اجراییه افغانستان پیش از چاشت امروز (جمعه، 10 عقرب) برای اشتراک در هژدهمین نشست سران حکومت‌های سازمان همکاری‌های شانگهای به شهر تاشکند پایتخت جمهوری ازبیکستان مواصلت کرد.

از رییس اجراییه کشور در میدان هوایی بین‌المللی تاشکند آقای عزیز عبدالحکیم‌اوف، معاون صدراعظم، الهام نعمت‌اوف، معاون اول وزارت خارجۀ ازبیکستان، آقای جهانگیر شهردار تاشکند و خالد علمی سفیر افغانستان در ازبیکستان استقبال کردند.

در این سفر، رییس اجراییه کشور در هژدهمین نشست سران حکومت‌های سازمان همکاری شانگهای به نمایندگی از جمهوری اسلامی افغانستان شرکت می‌کند.

رییس اجراییه کشور در حاشیۀ نشست سازمان شانگهای با نخست‌وزیران شماری از کشورهای عضو این سازمان دیدار و ملاقات خواهد کرد.