دکتور عبدالله عبدالله رییس اجراییه جمهوری اسلامی افغانستان صبح امروز (دوشنبه ۱۰ سرطان ۱۳۹۸) در رأس یک هیئت عالی رتبه دولتی وارد ولایت بلخ گردید.
رییس اجراییه در جریان اقامت خود در ولایت بلخ با نخست وزیر جمهوری ازبیکستان جلالتمآب عبدالله عارف‌اوف که در یک سفر رسمی و به ولایت بلخ آمده ملاقات می‌کند و در نمایشگاه تجارتی صنایع کشور دوست ازبیکستان که در شهر مزارشریف گشایش میابد یکجا با نخست وزیر ازبیکستان اشتراک و سخنرانی می‌کند.
رییس اجراییه در جریان اقامت خود در بلخ با مسوولان ملکی، نظامی، متنفذان و فعالان جامعه مدنی این ولایت نیز دیدار می‌نماید.
در میدان هوای بین‌المللی مزار شریف آقای اسحاق رهگذر والی ولایت بلخ، آقای افضل حدید رییس شورای ولایتی، مسوولان ملکی، نظامی و بزرگان ولایت بلخ از رییس اجراییه کشور استقبال کردند.
رییس اجراییه بعد از معایینه‌ی قطعه تشریفات و مصافحه با بزرگان ولایت بلخ در میدان هوایی به مقر ولایت بلخ رفت.
